= Durante o curso 2019/2020 solicitamos a Acción 3 dos Contratos-Programa: IGUALA-T
Con esta actuación pretendemos fomentar no centro a igualdade de xénero, a coeducación, a igualdade de oportunidades, a prevención e o tratamento da violencia de xénero, o respecto e tolerancia pola diversidade afectivo-sexual e en definitiva, favorecer a promoción e sensibilización da diversidade como unha riqueza para as sociedades.Esta actuación tamén establece entre os seus obxectivos o de propiciar dinámicas para identificar, analizar e rexeitar situacións de abuso, marxinación e discriminación por razón de xénero na vida cotiá do alumnado e otras realidades, participando, na medida das posibilidades, en iniciativas que busquen cambiar estas situacións.
As imaxes desta entrada foron sacadas nos muros do centro educativo de Finlandia (Uusikaupunki)
Decidimos realizar o Programa Iguala-T de forma directa cos grupos de 4º ESO pero de forma indirecta traballaremos este aspecto con todos os cursos do centro educativo xa que é unha cuestión de gran relevancia na nosa sociedade.
Os obxectivos que nos plantexamos son os seguintes:
- Desenvolver os valores que fomenten a igualdade efectiva entre homes e mulleres.
- Favorecer a prevención da violencia de xénero ou de actitudes e comportamentos discriminatorios pola orientación sexual ou a identidade de xénero.
- Propiciar dinámicas para identificar e rexeitar situacións de abuso, marxinación e discriminación por razón de xénero na vida cotiá do alumnado e noutras realidades.
- Traballar a intelixencia emocional cunha perspectiva de xénero que favoreza a consideración positiva do feminino.
- Visibilizar ás mulleres que forman parte activa da nosa sociedade, do noso día a día e do noso pasado para presentar modelos e referentes femininos en todos os ámbitos posibles.
Engadimos o Programa presentado para a solicitude desta Acción dos Contratos-Programa que realizamos para sensibilizar sobre a "Igualdade" no noso centro, por iso pasamos a denominalo IGUALA-T NO CHIVI-T.
PREMA NA IMAXE