= A RECOMENDACIÓN DO MES DE ABRIL NA NOSA SECCIÓN "LECTURAS EN FEMININO" É A SEGUINTE:
Fabio Álvarez Castro, o noso orientador neste curso 2019/20, regálanos a súa proposta, moi relacionada cos tempos de confinamento nos que vivimos.
Zlata Filipović relata neste
libro a súa historia durante a guerra de Iugoslavia, de 1991 a 1993. Nese lapso de tempo, sendo ela unha nena de 10-12 años, vivía nunha céntrica rúa de Saraxevo, en
Bosnia-Herzegovina. Debido ao risco de resultar danada pola violencia do
conflito bélico, que chegaba ás mesmas portas do seu edificio, non podía saír
da casa baixo ningún concepto. Plasmou as súas vivenzas e sentimentos a través
de Mimmy, o seu diario persoal, co
que se sincera totalmente. No escrito confesa que só quería marchar de Saraxevo
para “vivir unha vida normal”.
O libro foi un gran boom no momento da súa publicación, 2003, xa que relata sucesos nun país aparentemente pacífico que, sen embargo,
foi sacudido non fai moito polas crueldades da guerra. Ademais o fai dende a
perspectiva infantil e inocente dunha nena, testemuña en primeira persoa do
horror. Zlata é coñecida como a "Ana Frank" de Saraxevo.
Dada a situación na que nos
atopamos estes días, pode resultar identificativo coñecer o confinamento de
Zlata, que de xeito análogo a nós non podía saír da súa casa para desfrutar do
exterior, aínda que no seu caso por motivos ben distintos. A lectura pode ser
inspiradora para, aínda sen esquecer os aspectos dramáticos da nosa
circunstancia actual, reflexionar sobre o afortunados/as que somos de non atoparnos
nunha situación aínda máis tráxica e valorar os aspectos positivos da nosa
vida.
Agardo que vos guste!