RECOMENDACIÓN PARA SETEMBRO: "The Diaries of Adam and Eve" of Mark Twain.
Comezamos este curso taaaaan intenso e cheo de cambios, e cheo de incertidumes, e cheo de anhelos,... cunha boa recomendación para alimentar as nosas mentes na busca do noso propio Edén.
Isabel Cota, profesora de Inglés do IES Xesús Taboada Chivite fainos unha fermosa, interesante, doce e divertica recomendación para este mes taaaan desalentador.
A perspectiva de Adán é máis simple, egoísta, utilitaria e superficial, mentres que a de Eva é moito máis profunda, racional, reflexiva e autoconsciente.
Así, ela utilizará dun xeito especial as ferramentas que teñen en común (como a linguaxe, por exemplo, coa que ela "bautiza/nomea" o mundo).
A pesar de que Twain abunde nos tópicos da loita de xéneros, o lector/a poderá atopar entre estas páxinas tenrura, ironía, amor e humor intelixente, e ante todo o recoñecemento (tácito unhas veces, expreso as máis) de que a figura de Eva é moito máis que unha acompañante ou complemento da de Adán, xa que (tal como comentará no final do libro) o paraíso se atopaba unicamente aí onde ela estivera.
Cunha ollada sincera, honesta, divertida e mesmo irónica, Twain convídanos a presenciar, desde cadanseus lentes e prexuizos, como un xardín pode chegar a converterse nun Edén, e mesmo como ese Edén ten moito menos que ver co lugar onde gozamos dunha vida regalada que coa persoa que nos axuda a enchelo de vida, e mesmo levalo alá onde vaia."