= RECOMENDACIÓN PARA OUTUBRO: MIL SOLES ESPLÉNDIDOS de HOSSEINI, KHALED.
César Sánchez, o actual director do centro fainos esta boa recomendación do autor do coñecido libro "Cometas en el cielo". En Afganistán onde as traxedias son cousas do día a día, o autor é capaz de mostrar unha luz chea de esperanza. Agardamos que vos guste.
"É un libro que lin hai anos e que realmente me impactou xa que detallando unha historia de amizade entre dúas mulleres, cunha diferenza de idade importante, da conta da dureza da vida das mulleres nun país coma Afganistán, sometido a violencia política e situacións bélicas terroristas sobre a súa poboación. Unha destas mulleres, é enviada polo seu pai a Kabul con 15 anos para casarse cun home 30 anos maior. Vinte anos despois atopa na rúa á outra protagonista, coa mesma idade que tiña cando se casou e dalle cobixo co permiso do seu marido. Forxan unha amizade tan forte que lles permitirá afrontar tódalas adversidades que se atopan, tanto no seu fogar coma no exterior do mesmo. Realmente é un libro que vale a pena ler. Esta historia, que se desenvolve tan lonxe do noso país, salvo matices políticos e ambientes castigados por conflitos bélicos, amosa situacións que aínda que nos parezan doutros lugares, teñen lugar na nosa sociedade, situacións que ningunha muller debe soportar nin vivir. E ao mesmo tempo, amosan como os lazos de amizade poden chegar a ser tan fortes que vencen as adversidades".
