Saltar ao contido principal

PARA DECEMBRO: "AS MULLERES E OS HOMES"

 = RECOMENDACIÓN PARA REMATAR O ANO: " AS MULLERES E OS HOMES"

Este mes de Decembro o Dpto de orientación do centro quere pechar este ano 2020 recomendando un libro apto para todas as idades, para todo tipo de nenos e nenas, adolescentes, persoas con necesidades educativas, adultos/as ...  

Este álbum expón unha análise da sociedade desde o punto de vista da igualdade ou, mellor dito,  da desigualdade de xénero. Enuméranse moitas situacións nas que mulleres e homes non reciben o mesmo trato, nin teñen os mesmos dereitos. Todo contado con humor, pero con extrema seriedade, facendo sátira da nosa sociedade.

Non se trata dun conto, non. Desgraciadamente trátase dunha historia moi real, tan real que sigue sendo a mesma despois de moitos anos, cuarenta xa desde a primeira edición deste libro que volveuse  publicar da man de Catroventos editora.

É unha boa recomendación para este mes no que sempre cae algún agasallo para nenos e nenas. Un pequeno agasallo educativo, divertido e igualitario. 

Evidentemente non é sinxelo abordar este tema cos máis peques  dunha forma clara, sen dar un exceso de información que pode resultarlle abrumador. Neste sentido "As mulleres e os homes" configúrase como unha óptima proposta para poder introducir este tema, e para que os nenos e as nenas se  cuestionen, se sorprendan, se asombren, e critiquen.

Fálase de política, de relixión, de relación social, de familia, do concepto que teñen os nenos e nenas de si mesmos/as, da súa familia, de todas as persoas coas que se relacionan a diario. Xa desde a portada despértase o debate sobre a liberdade de ser home ou muller.

    

Agardamos que o disfrutedes.

NOTA: Xenial o traballo da ilustradora Luci Gutiérrez: un estilo  moi limpo que xoga só con 4 cores – branco, negro, verde e vermello - e que amosa a imaxe con extremo coidado e perfección.

TEMÁTICA:

Publicacións populares deste blog

PARA XUÑO: TEORÍA KING KONG

 =  PARA XUÑO: TEORÍA KING KONG Para rematar o curso recomendamos un libro INCÓMODO . Posiblemente non sexa unha lectura sinxela para adolescentes pero si moi interesante para as persoas adultas xa que di moitas verdades que non queremos escoitar. (Xa sabedes, a xente tende a mirar para outro lado e non posicionarse). Facémonos eco dun post da web laslibreriasrecomiendan.com    “Hoy escuchamos a hombres que se lamentan de que la emancipación femenina les desviriliza. Echan de menos un estado anterior, en el que su fuerza estaba enraizada en la opresión femenina. Olvidan que esta ventaja política que se les había concedido tenía un coste: el cuerpo de las mujeres pertenecía a los hombres; en contrapartida, el cuerpo de los homres pertenecía a la producción, en tiempos de paz, y al Estado, en tiempos de guerra. La confiscación del cuerpo de las mujeres se produce al mismo tiempo que la confiscación del cuerpo de los hombres. Los únicos que salen ganando en este negoci...
LER MÁIS

PROGRAMA IGUALA-T 20/19

                                                   =    Durante o curso 2019/2020 solicitamos a Acción 3 dos Contratos-Programa:      IGUALA-T    Con esta actuación pretendemos fomentar no centro a igualdade de xénero, a coeducación, a igualdade de oportunidades, a prevención e o tratamento da violencia de xénero, o respecto e tolerancia pola diversidade afectivo-sexual e en definitiva, favorecer a promoción e sensibilización da diversidade como unha riqueza para as sociedades. Esta actuación tamén establece entre os seus obxectivos o de propiciar dinámicas para identificar, analizar e rexeitar situacións de abuso, marxinación e discriminación por razón de xénero na vida cotiá do alumnado e otras realidades, participando, na medida das posibilidades, en iniciativas que busquen cambiar estas situa...
LER MÁIS

A BANDA DA LOBA

 = Colaboración da banda da loba      Gracias a coordinadora do Equipo de Dinamización da Lingua G alega, o noso alumnado tivo a sorte de pasar unha tarde con Inés, compoñente do grupo musical feminino "A banda da loba". O noso alumnado fixo de hipotéticos músicos e músicas e pensaron en temáticas de cancións onde puideron sentir como a través da expresión artística se poden traballar moitos sentimentos, inquedanzas e emocións.     
LER MÁIS

TESTEMUÑA VIOLENCIA DE XÉNERO

=  CHARLA CON TESTEMUÑA SOBRE VIOLENCIA DE XÉNERO Este curso dentro do Plan Director o alumnado de 1º de Bacharelato tivo unha Charla sobre Violencia de Xénero onde unha testemuña contou todas as violencias que se exerceron sobre ela: violencia física, psicolóxica, de illamento social e tamén os terrores da violencia sexual que nunca curan. María, tivo moito valor para poñerse diante de 50 alumnos/as de Bacharelato e contar en primeira persoa todos os seus sufrimentos. Ela di que o fai porque ela denunciou gracias a que no seu instituto alguén realizou unha charla similar. Invita a DENUNCIAR a todas as rapazas que sufriran ou estén sufrindo algún tipo de violencia. Moitas gracias María poña túa testemuña. No seguinte enlace podes a Guía de actuación ante casos de violencia de xénero no ámbito educativo.
LER MÁIS

PARA XANEIRO: CADERNO DE CAMPO

=   PARA XANEIRO, UNHA AXENDA Desta vez, máis que recomendar un libro, imos recomendar unha axenda. Este ano 2021 irmás Cartoné ofrecen  un Caderno de Campo das mudanzas, mutacións e metamorfoses.   Porque non sabemos o que nos ha traer este 2021, este ano a Axenda Cartoné vén marítima e mutante, para encaixarmos mellor estes tempos que cambian.     Se queredes ver outras edicións doutros anos, podedes facelo na propia paxina web que é unha pequena editora independente dedicada a tradución ao galego de textos clásicos. http://irmascartone.com/
LER MÁIS