= PARA MAIO: "MAMÁ QUERO SER ZIGGY STARDUST"
A recomendación do mes de maio é gracias a presidenta de ARELAS, Cristina Palacios, que o día que veu impartir o obradoiro de transexualidade, deunos a coñecer este fermoso libro, dunha profesora e escritora galega, Iria Misa.
Nesta novela, o protagonista, Aine vive unha difícil batalla persoal, familiar e social na que é moi complicado atopar aliados e aliadas pola incomprensión e a falta de respecto da sociedade ante o que é diferente.
Encantoume a introdución de Thomas como narrador e enlace entre o lector/a e Aine. Esta terceira persoa faise moi interesante porque axuda a entender a problemática situación de Aine, e só cando é capaz de recoñecerse a si mesmo é cando Thomas xa non é necesario. Destácase a importancia de autorecoñecernos nesta sociedade que nos dá unhas pautas e comportamentos impostos.
Recomendamos este tipo de novelas para os centros educativos galegos. Estas historias deberían ser de lectura obrigatoria, son entretidas e están escritas soa sensibilidade necesaria para que o noso alumnado sinta a diversidade como un aspecto positivo e para que recoñezan as inxustizas sociais.
Noraboa a autora por ser capaz de transmitir esta realidade dunha forma tan real e á vez con tanto sentimento.